Фота: planetabelarus.by
Следству ўдалося ўстанавіць, што 34-гадовы абвінавачаны, з'яўляючыся інжынерам кантрольна-вымяральных прыбораў і аўтаматыкі, раніцай 5 жніўня 2021 года быў у памяшканні фондасховішча музея Янкі Купалы. З-за няўважлівасці і неабачлівасці пры праверцы абсталявання ён нібыта запусціў сістэму пажаратушэння.
У выніку гэтага рэчывы для тушэння агню (гаворка ідзе пра вуглякіслы газ) распаўсюдзіліся па фондасховішчы, а таксама па цокальным паверсе. У гэты момант там у адным з памяшканняў знаходзіўся супрацоўнік музея, які пазней памёр ад атручэння двухвокісам вугляроду.
У пракуратуры Мінска расказалі, што падчас судовага пасяджэння абвінавачаны прызнаў сваю віну ў поўным аб'ёме і растлумачыў, што па прычыне агляду ўстаноўкі газавага пажаратушэння ён падняўся на няўстойлівую паверхню і страціў раўнавагу. Падчас падзення ён запусціў модуль газавага пажаратушэння.
Адзначаецца, што абвінавачаны ў добраахвотным парадку кампенсаваў сыну загінулага 50 тысяч рублёў у кошт кампенсацыі маральнай шкоды.
У выніку абвінавачанаму на падставе часткі 1 артыкула 144 Крымінальнага кодэкса было прызначана пакаранне ў выглядзе абмежавання волі на тэрмін 1 год і 6 месяцаў без накіравання ў папраўчую ўстанову адкрытага тыпу.
Пры гэтым у адпаведнасці з артыкулам 7 закона «Аб амністыі ў сувязі з Днём народнага адзінства» ён быў часткова — на адзін год, — вызвалены ад прызначанага пакарання.
![Клас Клас](https://nashaniva.com/images/reactions/reaction-like.png)
![Панылы сорам Панылы сорам](https://nashaniva.com/images/reactions/reaction-facepalm.png)
![Ха-ха Ха-ха](https://nashaniva.com/images/reactions/reaction-smile.png)
![Ого Ого](https://nashaniva.com/images/reactions/reaction-omg.png)
![Сумна Сумна](https://nashaniva.com/images/reactions/reaction-sad.png)
![Абуральна Абуральна](https://nashaniva.com/images/reactions/reaction-anger.png)