«Сябры, важная абвестка! Міністэрства сепультуры на паўзе. Пакуль не магу сказаць дакладна, калі вернецца праект, але спадзяемся, што паўза не будзе доўгай», — напісаў Аляксандр Чарнуха.
Прычыны прыпынення праекта Чарнуха не патлумачыў, адзначыўшы толькі, што «цяпер у мяне багата вольнага часу, таму я пачынаю шукаць працу».
Ютуб-канал «Міністэрства сепультуры», на які падпісаныя амаль 9 тысяч чалавек, быў прысвечаны беларускай музыцы. У ім Аляксандр Чарнуха сярод іншага знаходзіў сілы з тонкім гумарам скласці дыскаграфію сясцёр Груздзевых, расказваў пра загадкі гурта «Дразды», але пры гэтым радаваўся беларускай Б'ёрк і знаёміў з багамі беларускага металу. Апошні сюжэт на канале з'явіўся тры тыдні таму.
Канал Hodasevich-LIVE выходзіў каля 5 гадоў, ён мае каля 28 тысяч падпісчыкаў і прысвечаны праблемам беларускага футбола.
Мікалай Хадасевіч спыненне ягонай працы патлумачыў ментальнай стомленасцю і таму неабходнасцю паўзы, але сярод іншага згадаў і пра фінансавыя цяжкасці.
Чытайце таксама:
Згубіліся ў беларускім ютубе? Вось ажно 17 каналаў — знойдзеце свой
Самы папулярны беларускамоўны гурт у свеце — хто гэтыя хлопцы?
