Марк Тэн. Фота: tvrain / Telegram
«Я стамілася, у мяне няма фізічных сіл на штодзённае кіраванне тэлеканалам. Марк Тэн — выдатны генеральны дырэктар. За час працы ў Sports.ru ён дарос да партнёра і генеральнага дырэктара.
Зразумела, што « Дождь» у нейкі момант павінен быў ператварыцца з сямейнай кампаніі ў кампанію з нармальным бізнэс-працэсам. У Марка атрымліваецца гэта рэалізоўваць. Для мяне важна, што гэта блізкі нам па каштоўнасцях чалавек, і гэта рэдкі выпадак, калі асабістыя і прафесійныя якасці чалавека застаюцца на высокім узроўні», — сказала Сіндзеева.
Тэлеканал удакладняе, што Сіндзеева застаецца мажарытарным акцыянерам тэлеканала і цяпер узначаліць раду дырэктараў. Тэн стане адным з суўладальнікаў канала. Ён далучыўся да каманды ў 2023 годзе.
27 красавіка каналу спаўняецца 14 гадоў. Пасля пачатку вайны ён працуе за межамі Расіі.
Чытайце таксама:
Былы вядучы БТ Аўчыннікаў расказаў пра закуліссе працы, расчараванні і дапамогу палітвязням
