Увечары 31 снежня, каля 19.40 ў вагоне цягніка Аўтазаводскай лініі Мінскага метрапалітэна паміж станцыямі Першамайская і Купалаўская адбылася групавая бойка паміж беларусамі і асобамі каўказскай нацыянальнасці.
Паводле папярэдняй інфармацыі, атрыманай карэспандэнтамі Tut.by ад відавочцаў здарэння, спрэчка ўзнікла з-за міжнацыянальных забабонаў. Услед за слоўнай сваркай паміж беларусамі і каўказцамі завязалася бойка. Пацярпелі пры гэтым у большай ступені госці сталіцы: у аднаго зламаны нос, у другога - вялікая гематома ў галіне вока, у трэцяга - разбітая губа.
Варта адзначыць, што міліцыянты УУС па ахове Мінскага метрапалітэна зрэагавалі на здарэнне выключна аператыўна і прафесійна: калі цягнік з тымі, хто біўся, толькі прыбываў на станцыю Купалаўская, яго ўжо сустракалі людзі ў форме. Сігнал пра здарэнне яны атрымалі ад пасажыраў цягніка дзякуючы кнопцы экстранай сувязі, усталяванай у вагоне.
