Пракуратура Мінскай вобласці накіравала ў суд крымінальную справу ў дачыненні да раней судзімага 22-гадовага жыхара Мінска, які абвінавачваецца ў наўмысным забойстве з асаблівай жорсткасцю 32-гадовага жыхара Зэльвенскага раёна.
Паводле абвінавачання, рознарабочы аднаго з жаночых манастыроў Мінскай вобласці ў верасні 2014 года пазнаёміўся там жа з 32-гадовым мужчынам, які запрасіў яго ў госці ў вёску Абчак Мінскага раёна.
Падчас распівання спіртных напояў паміж мужчынамі ўзнік канфлікт, і госць нанёс гаспадару дома з асаблівай жорсткасцю вялікую колькасць удараў нагамі, рукамі і драўлянай шпакоўняй у жыццёва важныя органы: галаву, шыю і тулава. Ад цяжкіх цялесных пашкоджанняў той памёр на месцы злачынства.
Пакінуўшы ляжаць на падлозе забітага мужчыну, забойца пераначаваў у яго доме, а раніцай наступнага дня, накрыўшы пацярпелага коўдрай, замкнуў дом на ключ і з'ехаў у Мінск. Труп 32-гадовага мужчыны быў знойдзены сваякамі пасля амаль што двух месяцаў.
![Клас Клас](https://nashaniva.com/images/reactions/reaction-like.png)
![Панылы сорам Панылы сорам](https://nashaniva.com/images/reactions/reaction-facepalm.png)
![Ха-ха Ха-ха](https://nashaniva.com/images/reactions/reaction-smile.png)
![Ого Ого](https://nashaniva.com/images/reactions/reaction-omg.png)
![Сумна Сумна](https://nashaniva.com/images/reactions/reaction-sad.png)
![Абуральна Абуральна](https://nashaniva.com/images/reactions/reaction-anger.png)