Як паведамляе прэс‑служба кіраўніка беларускай дзяржавы, падчас саміта прэзідэнты краін СНД абмяняліся меркаваннямі па шырокім коле пытанняў, што ўяўляюць узаемную цікавасць, найперш адносна далейшага развіцця супрацоўніцтва ў межах Садружнасці.
«Беларускі бок пазітыўна ацаніў ход рэалізацыі Канцэпцыі далейшага развіцця СНД, прынятай на саміце ў Душанбэ ў кастрычніку 2007 года, — гаворыцца ў паведамленні прэс‑службы. — Пачалі працаваць групы па выпрацоўцы стратэгіі эканамічнага развіцця Садружнасці і па павышэнні харчовай бяспекі дзяржаў — удзельніц СНД. Ідзе абмеркаванне праектаў палажэнняў аб старшынстве ў СНД, аб нацыянальных каардынатарах».
А.Лукашэнка падчас нефармальнай гутаркі таксама паведаміў калегам аб сваіх нядаўніх зносінах з Уладзімірам Пуціным у Сочы, паведамляе прэс‑служба прэзідэнта Беларусі.
