«Гэта былі абсалютна мірныя людзі, якія выйшлі з кветкамі, каб адсвяткаваць 90‑годдзе абвяшчэння БНР. Але іх збівалі, заштурхоўвалі у падваротні, каб прэса не магла бачыць гэтыя здзекі», — сказаў А.Мілінкевіч.
«Улада не вучыцца і не збіраецца мяняцца. Яна толькі гуляла ў дэмакратыю з надзеяй атрымаць грошы з Захаду. У душы яна засталася ранейшай», — лічыць А.Мілінкевіч.
Паводле меркавання палітыка, затрыманых падчас акцыі маладых людзей «немагчыма паставіць на калені».
«Кожнаму, хто страціць працу або будзе выключаны з навучальнай установы, акажуць падтрымку», — падкрэсліў А.Мілінкевіч.
Падчас суткненняў міліцыі і ўдзельнікаў акцыі А.Мілінкевіч траўмаваў сцягно.