Заснавальніку канцэрна «Арлан» Яўгену Чырвоненку было адмоўлена ва ўездзе ў Беларусь. Памежнікі спынілі яго ў аэрапорце Мінск-2.
Пра гэта РІА Навіны паведаміла крыніца ў Дзяржаўным памежным камітэце Беларусі.
Памежнікі не тлумачыць прычыны забароны на ўезд.
Падчас Аранжавай рэвалюцыі Чырвоненка — ужо мультымільянер на той момант — быў начальнікам аховы кандыдата ў прэзідэнты Віктара Юшчанкі і адным з фундатараў і скарбнікам яго выбарчай кампаніі.
Чырвоненка сцвярджае, што мільянерам стаў яшчэ ў савецкі час. Ён быў аўтагоншчыкам, майстром спорту міжнароднага класа, і зарабляў вялікія ганарары на спаборніцтвах.
Быў набліжаным да прэзідэнта Кучмы, пасля зрабіў стаўку на Юшчанку.
Пасля кароткачасовага знаходжання ва ўрадзе Юліі Цімашэнка ён у 2005 годзе стаў кіраўніком Запарожжа. Потым Яўген Чырвоненка быў першым намеснікам гарадскога галавы Кіева Леаніда Чарнавецкага, з 2011 года працаваў у Міністэрстве па надзвычайных сітуацыях.
Вялікі праціўнік Юліі Цімашэнкі, у 2010 ён падтрымаў не яе, а Віктара Януковіча.
Адзін час быў віцэ-прэзідэнтам Еўразійскага яўрэйскага кангрэса. Меў двайное грамадзянства — Украіны і Ізраіля.