Каціроўка афіцыйнага курсу беларускага рубля да нацыянальнай валюты Кітайскай Народнай Рэспублікі — юаня Рэнмінбі — з 1 верасня гэтага года будзе ажыццяўляцца ўжо не штомесяц, а штодзённа. Адпаведная пастанова прынята праўленнем Нацыянальнага банка.
У Нацбанку зазначаюць, што гэтае рашэнне прынята ў сувязі з пастаянным паглыбленнем апошнім часам двухбаковых гандлёва‑эканамічных адносінаў паміж дзвюма краінамі. Да таго ж паміж Народным банкам Кітая і Нацыянальным банкам Беларусі дасягнута дамоўленасць аб выкарыстанні юаня Рэнмінбі і беларускага рубля ў міжбанкаўскіх разліках.
Як паведамляў БелаПАН, пратакол аб намерах выкарыстоўваць у міжбанкаўскіх разліках нацыянальных валют — юаняў і беларускіх рублёў — быў падпісаны ў студзені гэтага года падчас візіту ў Мінск старшыні Народнага банка Кітая Чжоу Сяочуаня.
Бакі тады таксама абмеркавалі пытанні банкаўскай падтрымкі гандлёва‑эканамічных адносінаў дзвюх краін і ўключэння Беларуссю кітайскіх юаняў у разлік міжнародных рэзервовых актываў у нацыянальным вызначэнні.
Сёлета паслугу па абмене наяўных кітайскіх юаняў пачалі аказваць некаторыя беларускія камерцыйныя банкі.
