Фота: Getty Images
Гарчыца — натуральны мыйны сродак
Парашок гарчыцы — натуральны мыйны сродак. Ён з поспехам справіцца з тлушчам на посудзе нават у халоднай вадзе. Мыць можна як сухім парашком, так і папярэдне прыгатаванай гарчычнай пастай. Такі раствор наносіцца на брудны посуд і пакідаецца на 5 хвілін. Пасля змываецца вадою.
Дасведчаныя гаспадыні раней выкарыстоўвалі гарчыцу як сродак для вывядзення плямаў тлушчу з адзення і рэчаў з шоўку і воўны. Для гэтага неабходна развесці 200 грамаў сухой гарчыцы ў 10 літрах вады, даць настаяцца на працягу трох гадзін. Пасля гэтага раствор акуратна зліць, каб не засталося асадку, і ў ім памыць рэчы.
Гарчыца як маска для валасоў
Мала хто ведае, што з парашка гарчыцы можна прыгатаваць маску для валасоў. Для гэтага трэба ўзяць дзве-тры лыжкі парашку, дадаць у яго трохі вады каб атрымалася кашка. Яе ўціраюць у карані валасоў і пакідаюць на некаторы час. Лічыцца, што такая маска не толькі ўмацуе валасы і надасць ім здаровы бляск, але і паскорыць іх рост.
Гарчыца як нейтралізатар непрыемных пахаў
Гарчычны парашок з'яўляецца добрым памочнікам у змаганні з непрыемнымі пахамі. Ім можна працерці палічкі ў халадзільніку. Невялічкія марлевыя мяшэчкі з парашком, змешчаныя ў скрыні ці павешаныя ў шафе, пазбавяць гэтыя месцы пахаў затхласці.
Калі ж вас засмучае непрыемны пах з пластыкавага кантэйнера, то можна насыпаць у яго парашку гарчыцы і заліць на паўгадзіны гарачай вадою. Пасля застанецца толькі добра прапаласкаць.
Гарчыца як сродак супраць шкоднікаў
Настой з парашку гарчыцы дапамагае ў барацьбе з шкоднікамі. Для яго прыгатавання 50 грамаў парашку дадаюць у 5 літраў вады і настойваюць 10-12 гадзін. Затым атрыманым настоем апырскваюць расліны. Ён пазбавіць іх ад вусеняў, тлі, голых смаўжоў, павуціннага кляшча, капуснай бялянкі.
Чытайце таксама:
Як уласнаручна зрабіць маянэз ды іншыя запраўкі для салаты
Дадайце гэтую спецыю ў каву — і вы заўсёды будзеце так рабіць
Дарагія сродкі для чысткі заменіць воцат
Як выдаліць налёт ад гарбаты і кавы? Вельмі проста — паспрабуйце гэтыя спосабы
для трывалых забруджванняў (на рондалі, у духоўцы і т.п.) можна зрабіць пасту - парашок гарчыцы+сода+гаспадарчае мыла. нанесці на нейкі час, потым мыць