Фота: тэлеграм-канал Ігара Тура.
Найлепшым гульцам Рэспубліканскага аматарскага турніру па хакеі прэзентавалі дарагія гадзіннікі. Аксесуары хакеістам уручаў Дзмітрый Лукашэнка.
У чарговы раз аматарскі турнір выйграла каманда Лукашэнкі, за якую выступаюць былыя прафесіяналы, у тым ліку экс-гулец НХЛ Андрэй Касціцын. Супрацьстаяць такой камандзе аматары з розных абласцей Беларусі.
Узнагароджваць сваякоў Дзмітрыю Лукашэнку гэтым разам не давялося. Найлепшым брамнікам стаў Максім Шчапко, найлепшым абаронцам — Аляксандр Коўшык, найлепшым нападнікам — Арцём Каркоцкі, найлепшым бамбардзірам — Андрэй Касціцын.
Прапагандыст з канала АНТ Ігар Тур распавёў, што найлепшым гульцам уручылі гадзіннік Hamilton Jazzmaster Open Heart — ён назваў гэта добрым густам. «Зеркало» высветліла, што такія гадзіны каштуюць 1065 еўра без зніжкі. Са зніжкай аксесуар можна набыць за 775 еўра.
Чытайце таксама:
Касманаўты падарылі Лукашэнку гадзіннік. У ім ёсць адна сумная асаблівасць
Лукашэнка выказаўся пра гадзіннік Франака Вячоркі
Франак Вячорка расказаў, адкуль у яго дарагі гадзіннік і хто падарыў яму чаравікі
