НТВ, 23.35
«Эні Хол»
ЗША, 1977, рэж. Вудзі Ален
Лірычная камэдыя
У жыцьці камэдыёграфа Элві Сінгера (Вудзі Ален) было некалькі каханых жанчын. І герой ведае, як няпроста знайсьці сваё шчасьце ў асяродзьдзі н’ю-ёрскіх інтэлектуалаў. Дзяўчына Эні Хол, здаецца, зусім іншая. Магчыма, яна стане спадарожніцаю героя...
Першапачаткова Вудзі Ален зьбіраўся рабіць дэтэктыўную камэдыю з рамантычнай інтрыгай – але фільм стаўся лірычнай гісторыяй з пазнавальным аўтарскім почыркам.
Стужка мусіла называцца «Анхеданія», што значыць – немагчымасьць адчуць асалоду, але Алэн зьмяніў назву на імя галоўнае гераіні.
Актрыса Даян Кітан (сапраўднае імя – Даян Хол! дзіцячая мянушка – Эні!!) апранае рэчы са свайго асабістага гардэробу. Пасьля прэм’еры карціны, жанчыны даводзілі мужоў да шалёнства, таскаючы з шафаў іхнія нагавіцы.
Адзін з найлепшых фільмаў амэрыканскага актора й рэжысэра, насычаны іранічнымі «аленізмамі», комплексамі й каханьнем.
Зоркапад з «Оскараў» і «Залатых глёбусаў», у тым ліку за найлепшы фільм, найлепшую рэжысуру й найлепшы сцэнар.
Фільм дэманструецца ў дзень народзінаў Вудзі Алена.
![Клас Клас](https://nashaniva.com/images/reactions/reaction-like.png)
![Панылы сорам Панылы сорам](https://nashaniva.com/images/reactions/reaction-facepalm.png)
![Ха-ха Ха-ха](https://nashaniva.com/images/reactions/reaction-smile.png)
![Ого Ого](https://nashaniva.com/images/reactions/reaction-omg.png)
![Сумна Сумна](https://nashaniva.com/images/reactions/reaction-sad.png)
![Абуральна Абуральна](https://nashaniva.com/images/reactions/reaction-anger.png)