Анархісты зладзілі ў Мінску 25 красавіка дзве акцыі супраць будаўніцтва АЭС у Астраўцы.
Фотаздымак дасланы чытачом НН
Першая акцыя прайшла каля ўніверсама «Рыга». Удзельнікі распавядалі мінакам пра шкоднасць атамнай энергетыкі і трымалі расцяжкі з лозунгамі «супраць атамнаага рэактара».
Другая акцыя адбылася побач са станцыяй метро «Пушкінская». Да пікетоўцаў пад’ехаў мікрааўтобус, з якога выскачылі людзі ў цывільным, пачалі іх жорстка хапаць і запіхваць у мікрааўтобус.
Як паведамляе ТВ Белсат, сярод затрыманых грамадзяне Нямеччыны: Андрэас Шэльхас, Яніна Ролік, Х’юдэ Хансэн, Ян Хенрык Кроп, Катрын Хайнрыг, а таксама грамадзяне Беларусі — Юліяна Грынец і яшчэ шэсць чалавек, імёны якіх пакуль не ўдалося высвятліць.
0
0
0
0
0
0
