Мужчына паспрачаўся, што пройдзе 25 кіламетраў па марозе ў тапках 7
І апынуўся на бальнічным ложку з абмаражэннем пальцаў нагі.
Кур’ёзны выпадак адбыўся ў Баранавіцкім раёне. 37-гадовы жыхар пасёлка Гарадзішча паспрачаўся са знаёмым, што зможа прайсці ў тапках 25 км — з Гарадзішча да Баранавічаў.
Але дайсці да фінішу мужчына так і не змог, бо змерз.
У бальніцу яго даставілі з абмаражэннем пальцаў ступні 2-й і 3-й ступені. Пакуль невядома, ці быў мужчына п’яны і праз колькі кіламетраў ён сышоў з дыстанцыі.
Дарэчы, у Мінску ад маразоў пацярпела больш за 30 чалавек.