Новы праект кампаніі «Будзьма беларусамі!» і партала TUT.BY — «БудзьмаTUT».
Новы праект кампаніі «Будзьма беларусамі!» і партала TUT.BY — «БудзьмаTUT».
Якія падзеі мінулага, якія рысы характару продкаў мы бачым сёння? І сапраўды бачым ці хочам бачыць? Ці існуюць «нацыянальныя рысы характару» беларусаў увогуле? І якія яны? Як яны ўплываюць на падзеі вакол нас і на нашу гісторыю? А ці адлюстроўвае наша гісторыя нацыянальныя рысы характару? Ці можна расказаць тысячагадовую гісторыю Беларусі за пяць хвілін рэп-чытанкай?
Праект разлічаны на людзей, хто не задумваўся над пытаннем: «Хто я?», не цікавіцца сваёй гісторыяй.
Стартаваў ён з ток-шоу, у якім абмяркоўвалі пытанне: «Беларусы: шалёныя ці памяркоўныя?» Для абмеркавання былі запрошаны творчыя людзі розных прафесій: тыя, хто праз мастацкія альбо медыйныя вобразы стварае віджэт сучаснай Беларусі.
Філосаф Валянцін Акудовіч, гісторык Генадзь Сагановіч і музыка Алег Хаменка адстойваюць думку пра памяркоўнасць беларусаў. Актывіст ў справе аховы помнікаў Антон Астаповіч пярэчыць ім. Культуролаг Юлія Чарняўская пераводзіць дыскусію з плоскасці памяркоўны-шалёны ў супрацьпастаўленне хам і пан. Рэдактар сайта Budzma.org Севярын Квяткоўскі цвердзіць не пра этнічны, а сацыяльны характар паводзінаў сучасных беларусаў. Музыка Вадзім Марголін гаворыць пра міф памяркоўнасці, выгадны людзям пры ўладзе.
Драматург Андрэй Курэйчык: «Для мяне памяркоўнасць сінонім баязліўства». ІТ-бізнэсмен Юрый Зісер: «Усе розныя. Хоць памяркоўнасць асацыюецца з забітасцю». Музыкант Раман Арлоў сумняецца, што ўсе беларусы адчуваюць сябе беларусамі. PR-спэцыяліст Андрэй Эзэрын заўважае, што праблема — у стэрэатыпах.
Днямі будзе прэзентаваны блог, на якім паспрабуюць неакадэмічна данесці гісторыю краіны. Розныя асобы будуць у нефармальнай манеры, эмацыйна распавядаць пра тую ці іншую падзею альбо дзеяча. На думку арганізатараў праекта, такі падыход павінен паўплываць на самасвядомасць людзей.
Цяпер чытаюць
Пяць пытанняў, якія застаюцца пасля смерці экс-выкладчыка БНТУ Шчукіна, што ўцякаў ад міліцыі2
Каментары