Michaił Frydman. Fota: Konstantin Zavrazhin / Getty Images
Sud Jeŭrapiejskaha sajuza ŭ Luksiemburhu źniaŭ piersanalnyja sankcyi z rasijskich aliharchaŭ Michaiła Frydmana i Piatra Aviena.
Jak adznačajecca ŭ rašeńni suda, Jeŭrakamisija nie zmahła dakazać, što pradprymalniki aktyŭna padtrymlivajuć rasijskuju ahresiju suprać Ukrainy. Sudździ adznačyli, što jość źviestki pra peŭnuju blizkaść Frydmana i Aviena da Pucina, adnak dokazaŭ taho, što aliharchi akazvali materyjalnuju padtrymku rasijskim uładam, jakija destabilizavali situacyju va Ukrainie, niedastatkova.
Zasnavalniki «Alfa-Hrup» trapili pad sankcyi 28 lutaha 2022 hoda. Rada ES abhruntoŭvała hetuju pastanovu tym, što Avien i Frydman źviazanyja z rasijskimi ŭładami.
Paśla traplańnia ŭ sankcyjnyja śpisy abodva pradprymalniki pakinuli radu dyrektaraŭ «Alfa-Hrup». Jany nazyvali sankcyi niespraviadlivymi i skardzilisia, što ciapier navat nie mohuć naniać prybiralščyc.
Čytajcie taksama:
