Меркаваць па элітарнасьці абанэнта стацыянарнага тэлефону можна будзе па тым, наколькі лёгка запамінаецца ягоны нумар.
«Белтэлекам» прадае «элітныя» нумары
Меркаваць па элітарнасьці абанэнта стацыянарнага тэлефону можна будзе па тым, наколькі лёгка запамінаецца ягоны нумар.
РУП «Белтэлекам» прадаставіла магчымасць выбару элітных нумароў абанентам стацыянарнай электрасувязі.
Як паведамілі БелаПАН у прэс‑службе нацыянальнага аператара электрасувязі, цяпер любы дамашні або офісны тэлефон можа атрымаць элітны нумар пры падключэнні абанента да стацыянарнай сеткі сувязі агульнага карыстання. Камбінацыі, якія складаюцца з аднолькавых лічбаў, маюць некалькі аднолькавых лічбаў або лічбаў, якія чаргуюцца ў пэўнай паслядоўнасці, валодаюць відавочнай перавагай — яны лёгка запамінаюцца.
Для зручнасці выбару кожны элітны нумар адпавядае аднаму з чатырох узроўняў. Напрыклад, нумары першага ўзроўню маюць усе аднолькавыя лічбы (ААААААА), або апошнія лічбы роўныя нулю (АВС0000), магчымы варыянт набору аднолькавых лічбаў з разрывам (АААВААА), або нумар складаецца з дзвюх груп аднолькавых лічбаў (АААВВВВ). Па падобным ад гэтага прынцыпе вызначаюцца нумары другога і трэцяга ўзроўняў. Апошні ўзровень прадугледжвае выбар любога даступнага нумара, які не адносіцца па сваіх характарыстыках да першых трох.
У прэс‑службе «Белтэлекама» ўдакладнілі, што выбар нумароў падпарадкаваны прынцыпу занальнасці: у Мінску — сямізначныя нумары, у абласных і буйных раённых цэнтрах — шасцізначныя, у раёнах — пяцізначныя. Акрамя таго, неабходна ўлічваць, што элітны нумар даступны са свабодных нумароў, што ёсць у базе. Падабраць камбінацыю або даведацца аб наяўных свабодных нумарах можна ў пунктах продажу паслуг «Белтэлекама». Элітны нумар запатрабуе толькі аднаразовага плацяжу, памер якога залежыць ад узроўню нумара.
Дык усё ж ці бяспечны Telegram і для якіх мэтаў бяспечны? Вось што ясна на сёння11
Дык усё ж ці бяспечны Telegram і для якіх мэтаў бяспечны? Вось што ясна на сёння
«Вайна ўсё спіша». Беларускім удзельнікам гей-прайда ў Вільні пагражалі расправай ад імя беларускіх ваяроў за выкарыстанне бела-чырвона-белага сцяга219219
Каментары