На 15% у параўнанні з 2006 годам павялічылася колькасць найменняў кніг на беларускай мове, выданых у Беларусі ў 2007 годзе. Пра гэта 17 студзеня на прэс‑канферэнцыі ў Мінску паведаміў намеснік міністра інфармацыі Ігар Лапцёнак.
Аднак, паводле яго слоў, за гэты ж перыяд на 17% скараціўся наклад выпушчаных беларускамоўных выданняў. «Яны складаюць толькі 7,58% ад усёй колькасці найменняў кніг, што выйшлі ў Беларусі, а па накладзе — 7,63% ад агульнага накладу выданняў», — сказаў І.Лапцёнак. Разам з тым, паводле яго слоў, шэсць дзяржаўных выдавецтваў краіны скарацілі за гэты перыяд выпуск кніг і брашур на беларускай мове: па найменнях — на 7,6%, па накладзе — на 35%.
Як зазначыў намеснік міністра, пры значным скарачэнні дзяржаўных асігнаванняў у галіну (на 14,4%) у 2007 годзе ў параўнанні з пазамінулым годам удалося прыкметна павялічыць колькасць сацыяльна значных выданняў (па найменнях — на 27%, па накладзе — на 95%), якія накіроўваюцца ў грамадскія бібліятэкі краіны па льготных цэнах і без гандлёвай надбаўкі. «Аднак школьныя бібліятэкі пакуль недастаткова насычаны сучаснай літаратурай з‑за дэфіцыту сродкаў на яе набыццё», — сказаў намеснік міністра. Паводле яго слоў, гэтую праблему прадугледжваецца вырашыць сёлета.
Як паведаміў І.Лапцёнак, з 6 па 10 лютага ў Мінску, у нацыянальным выставачным цэнтры «БелЭкспа» (вул. Я.Купалы, 27), адбудзецца XV Мінская міжнародная кніжная выстава‑кірмаш «Кнігі Беларусі — 2008», ганаровым госцем якой будзе Дзяржава Ізраіль.
БелаПАН
пра «Нашу Ніву»|about Nasha Niva|сувязь|PDA
Мітынг у Кіеве 
5 каментароў
падпісацца на каментары
чытаць каментары праз RSS
Бiблiятэкар напiсаў(ла)
Студзень 17, 2008 у 20:51
Дадамо колькасць назвау i экзэмплярнасць кнiг, што увезены з Расii, i атрымаем сотыя долi аднаго працэнта на усе беларускiя кнiгi.
Няхай жыве пецярбуржац Францыск Скарына i задушацца яго паслядоунiкi (альбо пяройдуць на карыстанне iншамоунымi кнiгамi)!
Актывіст напiсаў(ла)
Студзень 18, 2008 у 11:05
Бібліятэкар +1!
Сапраўды, гэта адсотак зусім не заўважны на палічках у нашых кнігарнях - яны ўжо даўно заваліны расейскай бульваршчынай.
emila напiсаў(ла)
Люты 9, 2008 у 23:51
Сёння на міжнроднай кніжнай выставе набыла збор твораў Васіля Быкава, выдадзены ў Расеі.
На стэндах беларускіх выдавецтваў прасіла паказаць навінкі дзіцячай літаратуры - збольшага выцягвалі нешта зь верхніх паліцаў, нягеглае, шэрае, з памылкамі ўжо на другой старонцы. Былі і некалькі цікавых дапаможнікаў для дашкольных установаў, але выдадзеныя раней і прывезеныя на выставу для стварэння карцінкі, бо ў продажы іх даўна няма.
Абышла ўсіх, хто гандляваў мапамі з адным пытаньнем: Дзе ўзяць мапу Беларусі па-беларуску? Збольшага быў шчыры адказ: Нам не зацвярджаюць такія пункты пляну, падыдзіце да ресескіх стэндаў, мо яны налета выдадуць і прывязуць.
Зайздрасць брала каля стэнду ўкраінскай літаратуры: каб нашым дзецям ды хаця б адно выданьне на такой паперы, з такімі малюнкамі, з гэткімі своечасовымі і цікавымі тэкстамі!..
Наіўны спадзеў набыць за любыя грошы альтэрнатыўны клышкаваму сучасны беларускі буквар нагадваюць па рэалістычнасьці чаканьне далучэньня Беларусі да Эўразьвязу...
Michal Zaleski напiсаў(ла)
Люты 10, 2008 у 14:08
Звычайная выдавецкая статыстыка пад акупацыяй. Каб сабраць паўнавартасную сямейную беларускую бібліятэчку патрэбныя 80 гадоў. Гэта досвед маёй сям'і.
Дзякуй богу, тое што ёсць ад чужых пакуль хаваць ня трэба, а былі ж і такія часы.
Узрэцкі напiсаў(ла)
Люты 10, 2008 у 17:38
Актывіст, завітайце хіба ў Цантральную Кнігарню у Менску, ды ў іншыя так сама. Белмоўных выданьняў сапраўды няшмат, але ж яны выкладзеныя на добрых месцах, не ў кутках якіх...
А бульваршчына - дык ім трэба ж прыбытак мець ад чагосьці. Таму і бульваршчыну і канцтавары і плакаты розныя прадаюць.
падпісацца на каментары
чытаць каментары праз RSS