Лідэр Партыі камуністаў Сяргей Калякін — адзіны зь лідэраў Аб'яднаных дэмакратычных сілаў, хто падтрымаў Расею ў пытаньні Абхазіі і Паўднёвай Асеціі. Вось што сказаў старшыня апазыцыйных камуністаў карэспандэнту «НН»:
«Абхазія і Асеція нічым ня горшыя за косаўскіх альбанцаў. Калі ўвесь сьвет прызнаў незалежнасьць Косава, то чаму ня можа зрабіць гэта ў дачыненьне да гэтых дзяржаў? Народы Абхазіі і Паўднёвай Асеціі выказалі волю жыць у незалежных дзяржавах. Што тут можа быць кепскага? Прызнаньне незалежнасьці ня толькі магчымае, але і неабходнае.
Беларусь таксама павінна прызнаць волю гэтых народаў. Ні для кога не сакрэт, што і наша краіна набыла незалежнасьць таксама досыць дзіўным чынам, калі тры чалавекі ў Белавескай пушчы падпісалі дамову аб развале СССР.Міжнародная супольнасьць тады хуценька прызнала Беларусь як асобную дзяржаву. Таму, думаю, падобнае можа паўтарыцца і зараз».
0
0
0
0
0
0
