Архітэктары абяцаюць вярнуць «Хлопчыку зь лебедзем» колішні выгляд і пасадзіць на борцік жабаў.
Адзiн з самых старых сквераў горада, ля Купалаўскага тэатра, будзе рэканструяваны. Нагадаем, знакамiты фантан «Хлопчык з лебедзем» i сам Аляксандраўскi сквер з’явiлiся ў 1872 годзе. Цяпер сталiчныя архiтэктары хочуць вярнуць яму першапачатковае аблiчча.
Як паведамiла намеснiца начальнiка ўпраўлення па ахове гiсторыка‑культурнай спадчыны i рэстаўрацыi Мiнiстэрства культуры Аксана Сматрэнка, праектная дакументацыя па рэканструкцыi сквера цяпер праходзiць узгадненне. Праект прадугледжвае добраўпарадкаванне сквера з прымяненнем больш якасных матэрыялаў. Так, усе бетонныя элементы ў скверы будуць заменены на гранiтныя, установяць новыя ў адпаведнасцi з гiстарычным аблiччам свяцiльнi. Акрамя таго, змяненнi закрануць i сам фантан. Яму вернуць элементы, якiя былi страчаны. На борцiку фантана з’явяцца жабы. Таксама будзе адноўлена агароджа сквера.
