Бюджэт рэканструкцыі збудаванага пры Гедыміну замку складзе больш за 20 мільёнаў даляраў.
Бюджэт рэканструкцыі збудаванага пры Гедыміну замку складзе больш за 20 мільёнаў даляраў.
Рэканструкцыя лідскага замка абыдзецца ў больш чым $20 мільёнаў, паведамляе Блог Гродно s13. Ставіцца амбітная задача аднавіць першапачатковы выгляд замка і ператварыць яго ў музейны і культурны цэнтр.
У замкавым двары збудуюць дом старасты, казармы, кузню, навесы для коней, адновяць галерэю і дзве сярэднявечныя студні. Вакол замку знясуць прыватную забудову, падыходы да яго , выкладуць падыходы забрукуюць, збудуюць вялікую аўтастаянку.
Аднак вось што выклікае насцярогу.
За адбудову замку возьмуцца не прафесійныя рэстаўратары, а звычайныя будаўнікі — генеральным падрадчыкам выступіў мясцовы будаўнічы трэст № 19. Ужо абвешчана, што ў працэсе рэканструкцыі будуць выкарыстоўвацца сучасныя будаўнічыя матэрыялы і канструкцыі,«якія ў адпаведнасці з правіламі стандартызацыі прайшлі экспертызу і адпавядаюць усім патрабаванням пажарнай, санітарнай, экалагічнай ды іншых службаў». Спачатку будаўнікі плануюць разабраць большасць канструкцыяў замку, даследаваць галоўную вежу. Паўднёва-заходнюю вежу і асноўныя канструкцыі сценаў давядзецца абнаўляць. Падобным чынам — пры ўдзеле непрафесіяналаў і з выкарыстаннем сучасных матэрыялаў, адбываецца рэканструкцыя гістарычных аб’ектаў па ўсёй краіне — ў Мінску, Гродна, Нясвіжы і Міры.
***
Лідскі замак пабудаваны ў 1330-я гады ў атачэнні рэк Лідзея і Каменка паводле даручэння князя Гедыміна. Уваходзіў у лінію абароны ад крыжакоў Наваградак—Крэва—Меднікі—Трокі. Быў збудаваны з бутавага каменю і цэглы, меў у плане форму няправільнага чатырохвугольніка з дзвюма кутнімі вежамі. На замкавым двары размяшчаліся праваслаўная царква (у 1533 перанесеная ў горад), жылыя і гаспадарчыя пабудовы, з 1568 — суд, архіў, астрог.
Жонка агента-каханка Анжалікі Мельнікавай звязаная з арганізацыяй Руская мадэль эфектыўнага спакушэння21
Каментары