Змена звязаная з тым, што былы кіраўнік спецназу Юры Караеў пайшоў на павышэнне.
Новым кіраўніком 3‑яй асобнай Чырванасцяжнай брыгады спецназу вайсковай часткі 3214 (Уручча) стаў Хазалбек Бахцібекавіч Атабекаў, паведаміў «Нашай Ніве» прэс‑сакратар унутраных войскаў Сяргей Кабаковіч.
Змена звязаная з тым, што былы кіраўнік спецназу Юры Караеў пайшоў на павышэнне. Цяпер ён займае пасаду першага намесніка начальніка аператыўнай і баявой падрыхтоўкі ўнутраных войскаў МУС. Караеў быў начальнікам спецназа менш за год. Да гэтага брыгадай камандаваў Дзмітры Паўлічэнка.
У ліпені летась асецін Юры Караеў узначаліў Мінскі полк міліцыі спецназу ГУУС Менгарвыканкаму. Ён замяніў Юрыя Падабеда, у якога нібыта ўзніклі праблемы са здароўем. Дарэчы, цяпер Падабед узначальвае асабістую ахову вядомага бізнесоўца Юрыя Чыжа.Да гэтага Караеў працаваў у Гомелі.
А літаральна праз два з паловай месяцы Караеў атрымаў новае прызначэнне. Ва ўручанскі спецназ ён прыйшоў на месца Дзмітрыя Паўлічэнкі. Замест сябе ж пакінуў Аляксандра Лукомскага.
Хазалбек Атабекаў у 1990 годзе скончыў Мінскае вышэйшае ваенна‑палітычнае агульнавайсковае вучылішча. У 2005 годзе Атабекаў быў узнагароджаны медалём «За бездакорную службу», у той час ён з’яўляўся начальнікам аддзялення баявой падрыхтоўкі в/ч — 3214.
У жніўні 2007 году новаму кіраўніку спецназа было прысвоена званне палкоўніка.
Цяпер чытаюць
«Мы кідалі камяні, каб яны не ўзляталі». Адным з тых, хто спрабаваў спыніць дроны, што выляталі з фур, быў беларус Антон29
Каментары