У Беларусі няма эпідэміі грыпу А/Н1N1, заявіла 1 лістапада журналістам намеснік міністра аховы здароўя — галоўны дзяржаўны санітарны лекар Беларусі Валянціна Качан, перадае карэспандэнт БЕЛТА.
«Няма прычын для панікі ў сувязі са свіным грыпам, у нашай краіне эпідэміі гэтага захворвання няма», — падкрэсліла Валянціна Качан.
У той жа час яна паведаміла, што колькасць выпадкаў захворвання на грып А/Н1N1 у Беларусі павялічылася. Калі ў мінулую пятніцу было лабараторна пацверджана 39 такіх выпадкаў, то на 1 лістапада гэта колькасць складае 59. «Размова ідзе аб такіх выпадках, у якіх гэты вірус суправаджаецца іншай інфекцыяй, — адзначыла намеснік міністра. — Лятальных выпадкаў ад пандэмічнага свінога грыпу ў Беларусі не зарэгістравана».
Валянціна Качан асабліва падкрэсліла, што ўсе меры па прадухіленню распаўсюджвання ў Беларусі грыпу А/Н1N1 распрацоўваліся яшчэ пачынаючы з красавіка,
калі ўпершыню з’явілася інфармацыя аб новым вірусе ў рэспубліцы. «Тыя меры, якія былі напрацаваны, спрацоўваюць, — сказала яна. — Няма неабходнасці панікаваць, пакуль што размова не ідзе аб якіх‑небудзь жорсткіх мерах па прадухіленню распаўсюджвання свінога грыпу, у тым ліку масачным рэжыме і г.д.» Аптэкі і лячэбна‑прафілактычныя ўстановы забяспечаны прафілактычнымі і медыкаментознымі сродкамі. «Прыемна, што адным з больш эфектыўных сродкаў барацьбы з віруснымі захворваннямі стаў айчынны сродак «Арпетол», — адзначыла Валянціна Качан. — Мы рэкамендуем яго як для прафілактыкі, так і для лячэння ўскладненняў».
У Беларусі «ідзе змешаная інфекцыя». Спецыялісты Міністэрства аховы здароўя адсочваюць усе тыя вірусы, якія цыркулююць у Беларусі. «На грып А прыпадае каля 10 працэнтаў — у асноўным адэнавірусныя і паравірусныя інфекцыі», — удакладніла Валянціна Качан.
Намеснік міністра выказала ўпэўненасць у тым, што развіццю эпідэміялагічнага працэсу ў Беларусі ва ўмераным рэжыме будуць садзейнічаць і вынікі вакцынацыі, якая цяпер завяршаецца. «Яна дасць свой эфект, мы перакананы, што гэта дапаможа прадухіліць якія‑небудзь сур’ёзныя ўскладненні, а таксама будзе садзейнічаць развіццю эпідэміялагічнай сітуацыі ва ўмераным рэжыме», — сказала Валянціна Качан.
Нежывым знойдзены ў Варшаве Зміцер Каспяровіч — 43-гадовы былы палітвязень, завербаваны КДБ6
Каментары