У Егіпце на трасе Заафарана — Каір трапіў у ДТЗ аўтобус, які перавозіў турыстаў з Беларусі, якія адпачывалі на Чырвоным моры, на курорце Раас Гарыб.
Паводле звестак паліцыі, ДТЗ адбылося напярэдадні ўвечары. Турысты ехалі на аўтобусе на экскурсію ў егіпецкую сталіцу. З прычыны кепскага надвор’я і перавышэння хуткасці кіроўца не справіўся з кіраваннем, і аўтобус з’ехаў у кювет.
Сур’ёзна пацярпелі тры турысты, яны знаходзяцца ў бальніцы.
Яшчэ 15 пасажыраў атрымалі нязначныя траўмы і ўдары і ад шпіталізацыі адмовіліся. Яны працягнулі спыненае падарожжа на запасным аўтобусе.
Благія ўмовы надвор’я ў апошнія дні сталі прычынай павелічэння колькасці ДТЗ на егіпецкіх хуткасных трасах. За мінулыя суткі, па звестках егіпецкай дарожнай паліцыі, у аварыях на дарогах загінулі пяць чалавек, пацярпелі 48.
0
0
0
0
0
0