«Група грамадзян» Беларусі польскай нацыянальнасці крытыкуе Польшчу і Борыс
Сярод ягоных падпісантаў тры рэктары, некалькі буйных мэнэджэраў і прадпрымальнікаў.
31 этнічны паляк з Беларусі падпісаў зварот да кіраўніцтва Польшчы. У ім яны заяўляюць, што «беларуская дзяржава ніколі не парушала і не парушае правоў грамадзянаў».«А.Борыс і яе невялікае атачэнне не ўпаўнаважаны рэпрэзэнтаваць інтарэсы польскай меншасці», «яны дыскрэдытавалі сябе парушэннем законаў нашай дзяржавы».
Падпісанты звяртаюцца з просьбай «прыняць меры па спыненні разгулу фальшу ў польскіх мэдыях». Яны вераць, «што справядлівасць і розум возьмуць верх і дыскрымінацыйная палітыка польскіх уладаў што да сваім суродзічаў будзе спыненая».
Яны просяць таксама аб сустрэчы з кіраўніцтвам Польшчы.
Хто канкрэтна ініцыяваў зварот, не паведамляецца.
Сярод ягоных падпісантаў ёсць два пенсіянер, хатняя гаспадыня, тры настаўнікі, кіроўца, а таксама дэпутат ад Гродна рэктар Гродзенскага аграрнага універсітэта Вітольд Песціс, дырэктар «Гроднааблсаюздруку» Тадэвуш Ваўчкевіч, намеснік дырэктара Гомельскай філіі МТС Андрэй Градзвіцкі, намеснік дырэктара Нацыянальнай бібліятэкі Станіслаў Каспяровіч, дырэктар паліграфкамбіната імя Якуба Коласа Генадзь Нягоцька, рэктар Акадэміі мастацтваў Рычард Смольскі, рэктар Берасцейскага універсітэта Мечыслаў Часноўскі.
Зацверджаны лукашэнкаўцамі кіраўнік Саюза палякаў Станіслаў Сямашка, як і яго папярэднік Юзаф Лучнік пад зваротам не фігуруюць.
У той жа час
частка падпісантаў не ўваходзіла ў Саюз палякаў і не мела ніякіх — ані прафесійных, ані сяброўскіх — кантактаў між сабой.Хтосьці працуе ў калгасе пад Берасцем, хтосьці — у школе ў Паставах, а хтосьці — на дзяржаўнай службе ў сталіцы. Такое ўражанне, што да этнічных палякаў звяртаўся нехта зверху па адмыслова складзеным спісе.
Тэкст звароту распаўсюджаны агенцтвам «Інтэрфакс», вядомым сваімі крыніцамі інфармацыі ў спецслужбах, а не дзяржаўным агенцтвам БЕЛТА.
Відаць, у пэўных структурах узгадалі, як савецкія грамадзяне габрэйскай нацыянальнасці «добраахвотна падпісвалі» звароты з асуджэннем міжнароднага сіянізму. Гэты вопыт выкарыстаны ў прапагандысцкай вайне з Польшчай, разгорнутай вакол Саюза палякаў. Можна ўявіць пачуцці грамадзянаў, калі да іх звяртаюцца з просьбай «не до оджуцэня» пра падпісанне падобнага звароту.
Памёр палітвязень Валянцін Штэрмер. «Ледзь хадзіў пасля інсульту — а яго кінулі ў ШІЗА»7
Каментары