Экран кампутара перастаў быць копіяй газэтнай старонкі. «НН» цяпер можна ня толькі чытаць, але і пісаць, і спрачацца ў ёй, а неўзабаве – і чуць яе. «НН» цяпер ствараюць самі чытачы. Штодня. Кожны можа выказаць сваё меркаваньне наконт любога артыкулу, паспрачацца з аўтарам, падыскутаваць зь іншымі чытачамі. Кожны можа сам напісаць артыкул у «НН» проста на сайце. Новая «Наша Ніва» зьбірае беларусаў.
Чытаць «НН» у Інтэрнэце цяпер таксама можна па-рознаму. Можна праглядаць толькі галоўныя навіны, можна – толькі навіны, напісаныя нашаніўцамі, а можна – усе матэрыялы сайту разам. Зарыентавацца дапамогуць рэйтынгі найбольш чытаных і найбольш камэнтаваных артыкулаў.
Ня ўсё ўдаецца сказаць у межах артыкулу ці навіны. Сьвет ва ўсім багацьці драбніцаў, прыватныя адкрыцьці – у аўтарскіх блогах – мовай слоў, выяў і вашых водгукаў.
На сайце таксама праводзяцца апытаньні (з сумленным падлікам галасоў).
Дык заходзь, ня стой адзін. Далучайся і заставайся.
