Адзін з абвінавачаных у справе «Маладога фронту» Аляксей Янушэўскі здолеў выехаць зь Беларусі. Гэта адбылося яшчэ 24 красавіка.
Адзін з абвінавачаных у справе «Маладога фронту» Аляксей Янушэўскі здолеў выехаць зь Беларусі. Гэта адбылося яшчэ 24 красавіка. Ехаў праз Расею, Украіну, Польшчу. Прыкладна тым самым шляхам, як Алесь Казакоў і Зьміцер Зубро.
Цяпер Аляксей жыве ў Празе ў бацькі, які там працуе. Праўда, ужо найбліжэйшым часам давядзецца перасяліцца ў інтэрнат для ўцекачоў — гэта неабходная ўмова, каб атрымаць у Чэхіі прытулак. У выпадку, калі яго справа ў Беларусі скончыцца штрафам ці ўмоўным пакараньнем Янушэўскі зьбіраецца вярнуцца на Радзіму.
Аляксей кажа, што рашэньне пра ўцёкі давалася досыць цяжка, хаця і з разуменьнем, што іншага выйсьця няма. «Зьехаў не празь сябе, я не зьбіраюся апраўдвацца, зьехаў праз «Малады фронт». Бо ў турме я рабіць тое, што я раблю тут, ня меў бы магчымасьці. Хаця, калі б мне, напрыклад, сказалі, што будзе дакладна палова году, я б застаўся. Зараз справа ідзе, уратаваць арганізацыю, таму й зьехаў. Функцыі, якія я выконваў у Беларусі, цалкам выконваю і тут», ‑‑ кажа Янушэўскі.
Нагадаем, што 30 траўня ў Савецкім судзе Менску пачнецца працэс «маладафронтаўцаў». Зьмітра Хведарука, Барыса Гарэцкага, Насту Палажанку, Алега Корбан і Аляксея Янушэўскага абвінавачваюць у парушэньні 193‑га артыкулу крымінальнага кодэксу «Дзейнасьць ад імя незарэгістраванай арганізацыі». Ужо дакладна вядома, што Янушэўскага на судзе ня будзе.
***
Аляксей Янушэўскі нарадзіўся 29 траўня 1987 году ў Менску. Скончыў сярэднюю школу № 200 (2005). Вучыўся ў Беларускім дзяржаўным пэдагагічным унівэрсытэце імя Максіма Танка на беларускай філялёгіі.
Напачатку 2006 году Аляксея выключылі адтуль за палітычную дзейнасьць. Летась жа паступіў у Віленскі пэдагагічны ўнівэрсытэт. Далучыўся да "Маладога фронту" ў 2004 г. У пачатку 2006 году праходзіў як падазраваны ў крымінальнай справе ў дачыненьні да сябры МФ Артура Фінькевіча. Правёў некалькі дзён у ізалятары часовага ўтрыманьня. Аднак тады справа супраць Янушэўскага была спыненая.
Цікавіцца ўэб-дызайнам, праграмаваньнем, гісторыяй.
Грэка-каталік.
Фатаздымак Юліі Дарашкевіч
-
«Сёння мы жывем у культурным грамадстве». Чаму гаспадар незвычайнай крамы самаабслугоўвання на Палессі не баіцца крадзяжоў
-
Улады запэўніваюць, што паўторнага апоўзня ў віцебскім Вярхоўі не будзе
-
«Забіць яго ці адрэзаць яму яйкі я не рашыўся». Падрабязнасці трагедыі ў Гданьску, дзе ваяр катаваў бойфрэнда, а пасля забіў сябе
Цяпер чытаюць
«Забіць яго ці адрэзаць яму яйцы я не рашыўся». Падрабязнасці трагедыі ў Гданьску, дзе ваяр катаваў бойфрэнда, а пасля забіў сябе45
Каментары