Журналістаў не пусьцілі на ўстаноўчы сход грамадзкага аб'яднаньня «Белая Русь». Ён адбыўся ў пятніцу ў Тэатры Музкамэдыі. Сярод заснавальнікаў сталічнай арганізацыі, якое называюць яшчэ «партыяй Лукашэнкі», — Аверкаў і Мядзьведзь.
У пятніцу ў сталiцы прайшоў устаноўчы сход Менскага гарадзкога грамадзкага аб’яднаньня «Белая Русь».
Напярэдаднi ўстаноўчага сходу яго iнiцыятары звярнулiся да жыхароў гораду з заклiкам «аб’яднаць намаганьнi для падтрымкi курсу, якi праводзiць дзяржава, для абароны нашых грамадзян ад разбуральнага ўзьдзеяньня «добразычлiўцаў звонку», спалучэньня вопыту i ведаў старэйшага пакаленьня, сiлы i магчымасьцяў маладога». «Стварыўшы Менскае грамадзкае аб’яднаньне «Белая Русь», мы яшчэ больш аб’яднаем нашы магчымасьцi i памкненьнi да абароны нашай Радзiмы, да яе развiцьця, умацаваньня i ўдасканальваньня». (Усё гэта цытаты зь "Звязды")
Сярод iнiцыятараў стварэньня гарадзкой арганiзацыi — вядучы тэлепраграм АНТ Аляксандар Аверкаў, дырэктар Тэатру музкамэдыі сьпявак Аляксей Iсаеў, аўтар гiмну Ўладзiмiр Карызна, дэпутат палаты прадстаўнiкоў вэртыкальніца Iрына Аляксанава, трохразовы чэмпiён Алiмпiйскiх гульняў Аляксандар Мядзьведзь.
Аналягічныя сходы прайшлі ў многіх іншых гарадах краіны пад шчыльным кантролем чыноўнікаў з ідэалягічнай вэртыкалі.
Журналістаў Зьмітра Брушка, Кірылу Жываловіча і Андрэя Александровіча не пусьцілі ў памяшканьне Дзяржаўнага музычнага тэатру, дзе адбываўся сход. Са словаў З. Брушка, ім адмовілі на той падставе, што журналісты ня мелі акрэдытацыі. «Там прысутнічала ледзьве не ўсё чынавенства зь ідэалягічнага аддзелу Менгарвыканаму» — кажа журналіст «Белгазеты». Ён кажа, што хтосьці з чыноўнікаў і выклікаў міліцыянтаў.
Супрацоўнікі міліцыі выклікалі дадатковую машыну, каб адвезьці затрыманых у РУУС, аднак пачуўшы, што тыя тэлефануюць калегам, адмовіліся ад сваіх намераў.
Цяпер чытаюць
Ціханоўскі: Я ж не ведаў, што людзі баяцца паказваць твары і баяцца за сваіх сваякоў! Я набіваю гузы сам33
Каментары