Фота: Darko Bandic / AP
У сакавіку 2022 года Мікіта Мазепін трапіў у санкцыйныя спісы ЕС у сувязі з тым, што ён выступаў за каманду Haas, якую ў мінулым фінансавала кампанія «Уралкалій», якая часткова належыць бацьку гоншчыка, расійскаму мільярдэру Дзмітрыю Мазепіну.
Дзмітрый Мазепін нарадзіўся ў 1968 годзе ў Мінску, скончыў Мінскую сувораўскую вучэльню. Пасля сканчэння МГІМО ў Маскве доўгі час працаваў у фінансавых структурах Беларусі і Расіі. У 2007 годзе ўзначаліў «Уралхім».
Пасля ўвядзення санкцый Мікіта спыніў удзел у Haas, гэтая каманда таксама скасавала спонсарскую дамову з кампаніяй «Уралкалій».
Еўрапейскі суд вырашыў, што прысутнасць Мазепіна ў санкцыйных спісах не можа быць апраўдана толькі тым фактам, што ягоны бацька абвінавачваецца ў цесным супрацоўніцтве з уладамі Расіі.
«Роднасныя сувязі з бацькам — недастатковая падстава, каб лічыць яго звязаным з бацькам агульнымі інтарэсамі і, такім чынам, пакінуць яго ў гэтых спісах», — сказана ў рашэнні суда.
Суд таксама зазначыў, што Мазепін больш не выступае за Haas, і таму ЕС не можа пакінуць у сіле ўведзеныя супраць яго санкцыі.
Мазепін спрабуе вярнуцца ў «Формулу-1» і таксама аспрэчвае санкцыі, уведзеныя супраць яго Канадай.
У лютым дыпламатычныя крыніцы паведамілі Reuters, што адмену санкцый супраць Мікіты Мазепіна лабіруюць улады Венгрыі — краіны, прэм'ер-міністр якой захоўвае цесныя адносіны з Уладзімірам Пуціным.
У лістападзе мінулага года суд ЕС адмовіўся зняць санкцыі супраць бацькі Мазепіна.
Мікіта Мазепін часта публікуе ў сваіх сацыяльных сетках фатаграфіі, з якіх бачна, што ён вядзе раскошны лад жыцця, у тым ліку ён наведваў ПАР і на верталёце адпраўляўся на лыжныя курорты.
Чытайце таксама:
На Сардзініі знікла яхта расійскага алігарха Мазепіна
Каманда «Формулы-1» Haas скасавала кантракт з расейскім пілотам Мікітам Мазепіным
Уладальнік «Уралхіма» заявіў аб недатычнасці да фінансавання тэлеграм-канала Сцяпана Пуцілы
![Клас Клас](https://nashaniva.com/images/reactions/reaction-like.png)
![Панылы сорам Панылы сорам](https://nashaniva.com/images/reactions/reaction-facepalm.png)
![Ха-ха Ха-ха](https://nashaniva.com/images/reactions/reaction-smile.png)
![Ого Ого](https://nashaniva.com/images/reactions/reaction-omg.png)
![Сумна Сумна](https://nashaniva.com/images/reactions/reaction-sad.png)
![Абуральна Абуральна](https://nashaniva.com/images/reactions/reaction-anger.png)