Міліцыя выявіла сістэматычныя крадзяжы 39-гадовым інжынерам сельгаспрадпрыемства ў Шклове, паведамляе прэс-служба МУС.
Аказваецца, мужчына, маючы доступ у цэх інкубацыі, краў сутачных куранят-бройлераў і перапрадаваў іх у прыватную фермерскую гаспадарку ў Гомельскай вобласці.
За некалькі месяцаў яму ўдалося незаконна вывезці з прадпрыемства звыш 18 тысяч птушанятаў.
Заведзена крымінальная справа за крадзеж шляхам злоўжывання службовымі паўнамоцтвамі ў буйным памеры.
0
2
10
1
2
2