Ukraincy surjozna ŭzialisia za błakavańnie tele– i radyjosihnałaŭ z Rasii i Biełarusi 4
Kabiniet ministraŭ Ukrainy pryniaŭ rašeńnie vydzielić z reziervovaha fondu dziaržaŭnaha biudžetu 152 młn hryŭniaŭ na razhortvańnie sistemy, jakaja budzie błakavać antyŭkrainskaje teleradyjoviaščańnie ŭ prymiežnych abłaściach, paviedamlaje «Ekanamičnaja praŭda».
Čakajecca, što za vydzielenyja srodki pastaviać kompleksy pa błakavańni teleradyjosihnałaŭ z terytoryi Rasii, Biełarusi i niepryznanaha Prydniastroŭja. Ich ustalujuć u 45 łakacyjach ŭ prymiežnaj zonie 9 abłaściej, a mienavita Vałynskaj, Rovienskaj, Žytomirskaj, Kijeŭskaj, Čarnihaŭskaj, Sumskaj, Charkaŭskaj, Vińnickaj i Adeskaj.
Vydzielenyja ŭradam srodki nakirujuć jak na zakupku i ŭstanoŭku kompleksaŭ błakavańnia sihnałaŭ, tak i dla pakryćcia vydatkaŭ na ekspłuatacyju hetych kompleksaŭ na praciahu nastupnych 8 miesiacaŭ.
Čakajecca, što sami kompleksy buduć ustalavanyja 1 traŭnia 2024 hoda.
Zamiest kab naładžvać raspaŭsiud praŭdzivaj infarmacyi, prabivać dyktatarskuju cenzuru na sumiežnych terytoryjach, samyja zakryvajuć miežy i pałochajucca luboha šorhatu, jak i byccam Jeŭrapiejski nieasavok... Ładzili ž apytańnie, pa vynikach jakoha adnosna niadaŭna tolki 2% ukraincaŭ zajmali prarasiejskija pazicyi. A zaraz hatovyja raśpisacca, što toje była łuchta, i svabodnych ludziej treba dadatkova baranić ad niahiehłaj chłuśni?
Ładzili ž apytańnie, pa vynikach jakoha adnosna niadaŭna tolki 2% ukraincaŭ zajmali prarasiejskija pazicyi. A zaraz hatovyja raśpisacca, što toje była łuchta, i svabodnych ludziej treba dadatkova baranić ad niahiehłaj chłuśni?