Madelka Pryhožyna ŭ prapahandysckaj rasijskaj kampjutarnaj hulni «Najlepšyja ŭ piekle». Fota: Bild
Rasijskaja studyja NoName Company pradstaviła novy «patryjatyčny šuter» pra PVK «Vahnier», dzie, hulajučy za adnaho z najmitaŭ, «treba šturmavać ukrainski horad Papasnaja» i prymać zahady asabista ad Jaŭhiena Pryhožyna, užo zahinułaha kiraŭnika «Vahniera», zaŭvažyła vydańnie Bild.
Hulnia atrymała nazvu «Najlepšyja ŭ piekle» (cytata Pryhožyna pra svaich najmitaŭ — «NN»), i ŭ joj hulcam «treba budzie adsočvać i kožnyja niekalki siekundaŭ zabivać ukrainskich nacystaŭ u razburanych budynkach, balnicach i škołach padčas šturmu Papasnaj viasnoj 2022 hoda», — pieradaje Bild sa spasyłkaj na trejler hulni i zajavy jaje aŭtaraŭ.
U trejlery siarod inšaha pakazana, jak budzie vyhladać hulnia ad pieršaj asoby i jak vahnieraŭcy pakłaniajucca ikonie Mikałaja Cudatvorca. Prajekt užo prarekłamavali ŭ šou rasijskaha prapahandysta Uładzimira Sałaŭjova.
Kadry z trejlera hulni «Najlepšyja ŭ piekle». Foty: Bild
«Naš patryjatyčny hiejm-prajekt stvorany bieź dziaržaŭnaj padtrymki i zasnavany na histaryčnych padziejach sučasnaj Rasii. Pry stvareńni hulni my abapiralisia na historyi ŭdzielnikaŭ bajavych dziejańniaŭ i zrabili ŭpor na dramaturhiju», — śćviardžajuć aŭtary hulni.
Ci płanujecca dadać u hulniu jašče i miaciež Pryhožyna, jaki taksama poŭny dramaturhii i zasnavany na histaryčnych padziejach sučasnaj Rasii, aŭtary nie zhadali.
Čytajcie taksama:
«Raniejšaha lidara ŭžo nie budzie». Ramzan Kadyraŭ nievylečna chvory
Były kuratar hrupy samazabojc «Sini kit» ciapier raskazvaje školnikam pra vajnu i patryjatyzm
