На яе сабралася каля 150 чалавек. Затрымана больш за 30 удзельнікаў.
20:54
Большасць затрыманых адпусцілі з Цэнтральнага РУУСу.
18:40
Міліцыя затрымала па выхадах з Плошчы блізу трыццаці чалавек. У тым ліку галадоўнікаў Міколу Дземідзенку, Арцёма Дубскага.
18:29
Да ўдзельнікаў акцыі звярнуўся актывіст «Еўрапейскай Беларусі» Павал Юхневіч. Ён заклікаў удзельнікаў прыйсці 14 траўня на Марш за Незалежнасць, а 16 траўня падтрымаць традыцыйную акцыю салідарнасці з палітвязнямі. «Нашыя штодзённыя акцыі пакуль не даюць плёну - Аўтуховіч у турме. Тым не менш нам удалося прыцягнуць увагу грамадскасці».
Зміцер Бандарэнка заклікаў ушанаваць памяць Юрыя Захаранкі хвілінай цішы.
Акцыя скончана.
***
18:19 Людзі працягваюць гукаць: «Свабоду палітвязням», а таксама «Свабоду Аўтуховічу», «Свабоду Лявонаву», «Свабоду Асіпенку».
Абсалютная большасць партрэтаў — партрэты Юрыя Захаранкі, але ёсць партрэты і Мікалая Аўтуховіча, які ад 16 красавіка трымае галадоўку ў следчым ізалятары.
18:05
Удзельнікаў акцыі ўжо пад сотню. Яны стаяць ланцугом.
АМАПаўцы стаяць насупраць, іх прыкладна чалавек 25, столькі ж «людзей у цывільным».
Прыйшлі таксама сацыял‑дэмакрат Мікола Статкевіч, каардынатар Хартыі’97 Андрэй Саннікаў, лідэр былой партыі працы Аляксандр Бухвостаў.
18:03 Удзельнікі акцыі крычаць: «Свабоду палітвязням», а таксама «Шэймана — за краты».
Людзі паціху ўстаюць.
18:02
Падышоў АМАП ‑‑ усе дэманстранты паселі на зямлю. Людзей паболела, недзе цяпер 70 чалавек. З’явіліся партрэты Юрыя Захаранкі і плакат «Хотим знать правду».
***
17:55
Зараз на плошчы каля 50 чалавек: маладафронтаўцы, у тым ліку і тыя, што чацверты дзень трымаюць галадоўку салідарнасці з Мікалаем Аўтуховічам (Наста Палажанка, Мікола Дземідзенка, Андрэй Цянюта). Яны прынеслі з сабой расцяжку «Галадоўка»,
актывісты Моладзі БНФ, Еўрапейскай Беларусі. Ёсць Вінцук Вячорка, Зміцер Бандарэнка, Сяргей Скрабец, Марыяна Груздзіловіч (Скрабец і Груздзіловіч таксама галадаюць), Артур Фінькевіч ды інш.
Па плошчы пусцілі палівальную машыну. Міліцыя зазначае, што акцыя не санкцыянаваная.
***
Некаторых патэнцыйных удзельнікаў акцыі затрымліваюць на выхадзе з метро. Быў затрыманы Анатоль Лябедзька.
***
Сённяшняя акцыя на Кастрычніцкай плошчы Мінска прысвечаная дзясятым угодкам знікнення без звестак Юрыя Захаранкі (7 траўня 1999).
