Адразу тры беларускія клубы стартавалі ў другім кваліфікацыйным раўндзе Лігі Еўропы. Першым па часе свой матч пачаў гуляць дэбютант еўракубкаў — наваполацкі «Нафтан».
У Віцебску «нафтавікі» прымалі бельгійскі «Гент», які ўзначальвае славуты ў мінулым брамнік Мішэль Прудом. Бельгійцы лічыліся фаварытамі пары, аднак настаўнік гасцей з асцярогай узгадваў леташняе супрацьстаянне БАТЭ і брусэльскага «Андэрлехта», дзе беларусы аказаліся мацней.
Тым не менш навапалачане назло скептыкам паказалі прыгожы футбол і атрымалі заслужаную перамогу. У кожным з тайму па голу ў вароты бельгійцаў забіў Аляксандр Дзегцяроў.
Аднак «Гент» не здаўся і ўжо ў дадатковы час сербскі легіянер Мілаш Марыч адзін гол адыграў — 2:1.
***
Мінскае «Дынама» дома так і не змагло знайсці шляхі да варотаў нарвежскага «Тромсэ». Шанцы мела, як адна, так і другая каманда, аднак не атрымалася. Гульня так і скончылася з лікам 0:0.
***
Але найбольш няўдала з усіх беларускіх клубаў выступіў МТЗ‑РІПА. У Данецку хлопцы Юрыя Пунтуса не змаглі прад’явіць сваіх важкіх контраргументаў у гульні з «Металургам».
Яшчэ ў першым тайме зімбабвіец Мгуні і армянін Мхітаран вывелі ўкраінскую каманду наперад. Аляксей Годзін увогуле аформіў разгром мінчан — 0:3.
Шанцы МТЗ‑РІПА на далейшы працяг барацьбы мінімальныя. Матчы ў адказы пары правядуць праз тыдзень, пры гэтым абмяняўшыся пляцоўкамі.
0
0
0
0
0
0
