Фота Уладзя Грыдзіна.
Судовая калегія Магілёўскага абласнога суда адмовілася задаволіць касацыйную скаргу Арцёма Дубскага на прысуд і змяніць яму меру пакарання.
Нагадаем, 7 ліпеня Асіповіцкі раённы суд пакараў актывіста незарэгістраванай арганізацыі «Малады фронт» годам зняволення за парушэнне правіл адбыцця пакарання ў «справе 14‑ці».
Сёння судовая калегія Магілёўскага абласнога суда разглядала касацыйную скаргу актывіста Маладога фронту Арцёма Дубскага. Сам Арцём у залі не прысутнічаў. У судзе працавала здымачная група БТ.
Адвакат Тамара Сідарэнка прасіла змяніць пакаранне на ўмоўнае і прымяніць у дачыненні да Арцёма Дубскага амністыю. Дзяржаўны абвінаваўца Багамолаў заклікаў суд пакінуць прысуд без зьменаў.
Падтрымаць Дубскага прыйшло пад 20 чалавек. Сярод іх: маці зняволенага Алена Дубская, моладзевыя лідэры Артур Фінькевіч і Зміцер Дашкевіч.
Будынак суду звонку і ўнутры ахоўвалі болей за 10 міліцыянтаў.