Скрыншот з відэа
Перадусім Лукашэнка перадаў дзяржсакратару Аляксандру Вальфовічу прывітанне ад Сяргея Шайгу, што стала мастком да выкладання ўласнай версіі той непрыемнай для яго сітуацыі.
«Мы цягаліся там па завуголлях, і нас крытыкавалі, што мы недзе калдыбалі, адсталі. Камандуючы Сухапутнымі войскамі, ён мне ўсё расказвае пра СВА. Ну, я ж крыху ў тэме. І прытым ноччу мы заслухалі даклад Герасімава, Шайгу і Бортнікава пра сітуацыю на фронце. Я абсалютна ў тэме. І яны ўсе мне расказваюць. Тут СВА-шнікі сабраліся, там іх паўсотні, фатаграфуюцца… Ну, мы з Шайгу і адсталі там. Дык яны нас за гэта пакрытыкавалі. А мы ззаду… Ну ладна, там не было такога ўжо строгага пратакола».
Пры гэтым, паводле слоў Лукашэнкі, ён сказаў расійскім вайскоўцам, што самі беларусы на вайну ехаць не збіраюцца, хоць ім і сімпатызуюць. І яны, маўляў, гэта разумеюць, але кажуць, што «нас там не хапае».
Чытайце таксама:
Выглядае, на парадзе ў Маскве Лукашэнка зноў не ішоў разам з прэзідэнтамі
Лукашэнка з Пуціным засядзеліся — да трэцяй ночы абмяркоўвалі Украіну
