Марк Цукерберг. Фота: Getty Images
Гэта адбылося праз некалькі гадзін пасля запуску новай сацсеткі Threads, якая пазіцыянуецца як канкурэнт сэрвісу мікраблогаў.
Цукерберг запосціў інтэрнэт-мем, на якім два чалавекі-павукі паказваюць адзін на аднаго. Магчыма, гэта адсылка да імавернага бою з Іланам Маскам.
Апошні твіт Цукерберга быў апублікаваны 18 студзеня 2012 года. Новая публікацыя з'явілася пасля таго, як дадатак Threads стаў даступны для папярэдняй загрузкі ў краме App Store.
У апісанні сэрвісу сцвярджаецца, што Threads — гэта платформа, «дзе людзі збіраюцца разам, каб абмеркаваць абсалютна ўсё: ад таго, што іх хвалюе сёння, да таго, што будзе ў трэндзе заўтра».
Карыстальнікі Threads змогуць публікаваць кароткія тэкставыя паведамленні, якія, як і ў Twitter, можна будзе лайкаць, каментаваць або дзяліцца імі са сваімі чытачамі.
Чытайце таксама:
Meta запускае новы сэрвіс Threads — непасрэднага канкурэнта Twitter. Запуск ужо заўтра
Ілан Маск аб'явіў пра ўвядзенне ў твітары квоты на колькасць запісаў, якія можна прачытаць за дзень
У твітары больш не будзе блакітнай птушачкі
Усё ж такі бою паміж Маскам і Цукербергам быць. Ён можа адбыцца ў незвычайным месцы
