28 лютага ў Гомельскім абласным судзе быў вынесены прысуд Дзмітрыю Шчарбіну па частцы 1 артыкула 130 (распальванне расавай, нацыянальнай, рэлігійнай ці іншай сацыяльнай варожасці ці варажнечы) Крымінальнага кодэкса, піша «Вясна».
Справу разглядаў суддзя Вадзім Бабыроў і пакараў Дзмітрыя годам пазбаўлення волі ва ўмовах агульнага рэжыму. Прысуд не ўступіў у законную сілу.
Дзмітрый Шчарбін — былы супрацоўнік БМЗ, быў затрыманы 11 кастрычніка 2023 г. супрацоўнікамі міліцыі за каментары ў сацыяльных сетках.
«Пасля шчырай гутаркі з супрацоўнікамі праваахоўных органаў і выразнай ацэнкі сваіх дзеянняў ён можа спакойна жыць і працаваць. Так што міліцыя выкарыстоўвае не толькі сілавыя метады, але і размовы па душах. Палку ніхто не перагінае», — нагадвае «Медыязона», як пісалі тады аўтары праўладнага канала пра яго затрыманне.
Чытайце таксама:
У Гродне мужчына прынёс кветкі і фота Навальнага да консульства Расіі. Яго судзілі
