Глебу Цецянкову цяпер 20 год. Фота з ягонай старонкі ў Аднакласніках
Хлопца клічуць Глеб Цецянкоў. Ён са Жлобіна. Вядома, што з няпростай сям'і — ягоная маці бывала ў месцах пазбаўлення волі, а пра бацьку нічога невядома.
Глеб тройчы судзімы. Пра першую судзімасць інфармацыі няма.
Другі раз яго пакаралі ў жніўні 2022 года за тое, што нападпітку пабіў каля крамы сваю знаёмую, якая «абразіла ягоную маці і дзяўчыну». За гэта далі тры месяцы арышту і 1280 рублёў штрафу.
Апошні суд у Цецянкова быў у верасні 2023 года за п'яную бойку каля спажывецкай крамы. Яму далі тры гады «хатняй хіміі».
А цяпер хлопца збіраюцца пакараць за ўдзел у пратэстах. Суд пачнецца 21 сакавіка. Невядома, дзе ён знаходзіцца. Магчыма, што ў СІЗА, як і звычайна адбываецца з абвінавачанымі па артыкуле 342 Крымінальнага кодэкса.
Дарэчы, на момант пачатку пратэстаў Цецянкоў быў непаўналетнім — 18 яму споўнілася толькі ў кастрычніку 2021 года.
«Наша Нiва» — крыніца якаснай інфармацыі і бастыён беларушчыны
ПАДТРЫМАЦЬ «НН»Чытайце таксама:
ГУБАЗіК затрымаў мінчука. Вось як на яго маглі выйсці
Распазнаванне твараў: што гэта такое, як яно працуе і якія здольнасці беларускіх сілавікоў
