Даўгапрудненскі гарадскі суд прыгаварыў да сямі гадоў калоніі 29-гадовага праграміста і актывіста Аляксея Малярэўскага, прызнаўшы яго вінаватым ва ўдзеле ў экстрэмісцкай супольнасці (ч. 2 арт. 282.1 КК РФ) і фінансаванні экстрэмізму (ч. 1 арт. 282), піша Бі-бі-сі.
Аляксей Малярэўскі. Фота: Медыязона
Паводле версіі следства, Малярэўскі адправіў 150 даляраў на рахунак Фонду барацьбы з карупцыяй, які забаронены ў Расіі як экстрэмісцкая арганізацыя, а таксама расклейваў улёткі «экстрэмісцкага зместу». Пракурор запытваў восем гадоў калоніі.
Малярэўскага затрымалі 1 верасня 2023 года, калі ён выходзіў на Манежную плошчу ў Маскве з плакатам «Свабоду Навальнаму, свабоду палітвязням».
Праграміст вярнуўся ў Расіі з Чэхіі. Вядома, што ахвяраванне ён адправіў праз Revolut.
Малярэўскі прызнаў віну. Прычым пракурор папракаў праграміста тым, што ён ахвяраваў грошы апазіцыянерам, а не старым і сіротам.
Чытайце таксама:
«Аблівайце ўсіх». Як невядомыя прымушалі расіян ісці на выбары з зялёнкай і кактэйлямі Молатава
