Гэтае пытаньне абмяркоўвалася 27 лютага на сустрэчы прэзыдэнта са старшынём праўленьня арабскай кампаніі «СБ‑Тэлекам» Ідам Самаві.
«Вы маеце там добрыя кантакты, — зьвярнуўся да госьця Лукашэнка, — і вашыя веды вельмі карысныя для нас».
Паводле інфармацыі афіцыйных крыніцаў, прэзыдэнт выказаў пажаданьне, каб Самаві садзейнічаў беларускаму боку ў вызначэньні пэрспэктыўных кірункаў супрацы з Аб’яднанымі Арабскімі Эміратамі.
Лукашэнка таксама зазначыў, што Беларусь зацікаўленая ў інвэстыцыях арабскай кампаніі «СБ‑Тэлекам» у такія сфэры, як гатэльны бізнэс, цэмэнтавая вытворчасьць, тэлекамунікацыі і іншыя.
0
0
0
0
0
0
