Uspamin pra podźvih

Marjana Biarnackaja

U piatnicu 13 lipienia 2007 h. a 19‑j hadzinie na Fartach kala vioski Navumavičy Hrodzienskaha rajona adbudziecca Sv. Imša, padčas jakoj śviatary Sapockinskaha dekanatu i h. Hrodna razam ź viernikami buduć malicca za žycharoŭ Lipska i Hrodna, rasstralanych nacystami u 1943 hodzie.

U toj čas zachopniki praviali masavyja aryšty, što stali karnaju akcyjaj za zabitaha partyzanami fašysckaha palicaja.

13 lipienia 1943 hoda siarod 50 rasstralanych załožnikaŭ (bolšuju častku jakich składali cełyja siemji intelihientaŭ) apynulisia 6 śviataroŭ z Hrodna, Dambroŭki, Lipska i Ryhałaŭki.

Trahiedyja 43‑ha hoda kala Navumavičaŭ była aśviačana hieraičnaju achviaraju žycharki Lipska Marjany Biarnackaj. Jana addała svajo žyćcio ŭzamien za žyćcio ciažarnaj niaviestki, jakuju pavinny byli rasstralać fašysty. Niamiecki aficer zhadziŭsia na prapanovu Marjany Biarnackaj rasstralać jaje zamiest maładoj žančyny, i takim čynam jana zahinuła razam sa svaim synam, a niaviestka Hanny i jaje nienarodžany ŭnuk zastalisia žyć.

13 červienia 1999 h. u Varšavie Marjana Biarnackaja siarod 108 mučanikaŭ była bieatyfikavana Janam Paŭłam II.

Pavodle catholic.by

0

0

0

0

0

0