Prajekt prymierkavany da 495-hodździa z dnia vydańnia vialikim aśvietnikam u Prazie pieršaj drukavanaj Biblii na starabiełaruskaj movie, a taksama 20-hodździa ŭstalavańnia dypłamatyčnych adnosin pamiž Biełaruśsiu i Čechijaj.
Adbylisia kancerty arhannaj i kamiernaj muzyki. Uvazie publiki byli prapanavany tvory suśvietnaj kłasiki i sučasnyja biełaruskija kampazicyi ŭ vykanańni salistaŭ połackaha Safijskaha sabora i Biełaruskaha dziaržaŭnaha muzyčnaha teatra.
Prajšło taksama ŭskładańnie kvietak da pamiatnaj tablicy Francysku Skarynu ŭ Słavianskaj biblijatecy ŭ Klemientynumie, najstarejšaj u Jeŭropie, a taksama da pomnika biełaruskamu aśvietniku ŭ praskim rajonie Hradčany.
Arhanizataram Dzion Francyska Skaryny ŭ Prazie vystupiła pasolstva Biełarusi ŭ Čechii pry spryjańni Ministerstva kultury i Biełaruskaha sajuza kampazitaraŭ.
