 Anatol Rubinaŭ |
Sp. Rubinaŭ zaznačyŭ, što testavańnie jak forma ustupnych ispytaŭ pryžyłasia ŭ našaj krainie. «Testavańnie całkam adkidaje mahčymaść niejkaha subjektyvizmu ŭ acency viedaŭ abituryjentaŭ. Nijakaha błatu być užo nia moža. Mnie časam telefanujuć siabry z prośbaj paspryjać u pastupleńni ich dziaciej, ale navat ja nie mahu ničoha zrabić».
Usiaho sioleta na prachodžańnie centralizavanaha testavańnia zapisałasia 195 tysiač čałaviek, heta prykładna na 20 tysiač bolej, čym letaś. Jany musili zdać 512 tysiač testaŭ, 47 tysiač na ispyty nie źjavilisia. Najbolšaja kolkaść čałaviek zdavała matematyku — 127 tysiač.
Najmienšy siaredni bał pa pradmietach byŭ nabrany pa fizycy — tolki 24%, pa matematycy — 32%, pa historyi Biełarusi — 35%. Pa astatnich pradmietach siaredni bał byŭ u miežach 40‑45%.
8% zdali testy na admoŭnyja adznaki, heta značyć mienš za 15 bałaŭ. Zvyš tysiačy čałaviek, jaki zdavali matematyku, nie atrymali ŭvohule nivodnaha bału. U suviazi z hetym Rubinaŭ adznačyŭ: «Ja nie razumieju, kamu patrebnyja testy, jakija nichto nia moža zdać? Ciapier staić kankretnaje pytańnie ab ich spraščeńni, bo atrymać vydatna ciapier amal niemahčyma».
Taksama Anatol Rubinaŭ skazaŭ, što aktyŭna abmiarkoŭvajecca mahčymaść zrabić testavańnie płatnym. «My nastojvali na hetym jašče letaś, ale ministerstva adukacyi było suprać. Niachaj heta budzie čysta symbaličny košt. Skažam, adna treciaja ad bazavaj vieličyni — 10 tysiač rubloŭ. Try ekzameny — 30 tysiač. Mnie zdajecca, što znajści takija hrošy ŭ stanie lubaja siamja, a nam by heta była vielmi istotnaja dapamoha». Taksama Rubinaŭ raskazaŭ, što sioleta ci ŭ pačatku nastupnaha hodu testavańni chočuć pravieryć na nastaŭnikach, kab pahladzieć nakolki dobryja vyniki pakažuć jany.
Na 100 bałaŭ testavańnie sioleta zdali tolki 18 čałaviek, 13 ź ich zdavali matematyku, 3 — biełaruskuju movu, 2 — rasiejskuju movu. 66 čałaviek byli vydalenyja z zali za roznyja parušeńni, u asnoŭnym za praniesienyja z saboj mabilnyja telefony i šparhałki.
Było adznačana, što sioleta našmat lepš była pastaŭlena pravierka testavych rabot. U paraŭnańni ź minułym hodam jana skaraciłasia na piać dzion. Vyniki ž možna było daviedacca nia tolki ŭ samim universytecie, ale i praź internet, ci sms‑ki, u vypadku, kali pakidaješ svaje kantaktnyja dadzienyja.
Rasiejskuju movu sioleta zdavali 112 tysiač čałaviek, a biełaruskuju — 82. Praporcyi praktyčna nie źmianilisia ź minułym hodam.
Što datyčyć užo ustupnaj kampanii, to sioleta VNU krainy majuć nabrać kala 80 tysiač studentaŭ. Źniziŭsia nabor na ekanamičnyja, jurydyčnyja i pedahahičnyja specyjalnaści, pavysiŭsia ž — na budaŭničyja.
Bolšaść VNU pry pastupleńni budzie prymać sertyfikaty ab prachodžańni centralizavanaha testavańnia, adnak niekatoryja, jak BDU, pakidajuć jašče adzin unutryŭniversytecki ispyt. Na dumku Rubinava, tut jašče zastajecca nievialiki prastor dla karupcyi. Tak, letaś pa fakcie parušeńniaŭ pracy ŭstupnych kamisij było zaviedziena čatyrnaccać kryminalnych spravaŭ. «Spadziajusia, heta budzie ŭrokam siońnišnim ekzamenataram», — zaznačyŭ čynoŭnik.
Užo siońnia možna kazać pra konkursy ŭ VNU, jakija išli ŭ pieršy etap: Universytet kultury — 3,6 čałavieki na miesca, Akademija muzyki — 1,4, Akademija MUS — 2,6, Vajennaja akademija — 2.
