Pavodle zajavy ŭładaŭ, na rahu 43 vulicy i Leksynhtan-aveniu na Manchetanie prarvała trubu parapravodu. Miljony ton pary pierapampoŭvajucca štodzionna padziemnym mahistralnym trubaprovadam pad vulicami Ńju-Jorku. Para vykarystoŭvajecca dla aciapleńnia i achaładžeńnia tysiačy budynkaŭ.
Zahinuŭ adzin čałaviek, 16 paciarpieli i adpraŭlenyja ŭ bolnicy. Pavodle palicyi, pažyły mužčyna pamior ad sardečnaha prystupu, dvoje atrymali surjoznyja apioki i znachodziacca ŭ krytyčnym stanie.
Palicyja padkreślivaje, što vypadak nie źviazany z teraryzmam.
Vybuch prahučaŭ a hadzinie nočy pa mienskim časie, kali ŭ Ńju-Jorku było 18:00. Paśla vybuchu ŭtvaryłasia varonka dyjametram kala 20 metraŭ, adkul vylatała kamieńnie i piasok. Dym vialikimi kłubami ŭzdymaŭsia nad niebasiahami.
U 1989 h. ad analahičnaha vybuchu parapravodu ŭ horadzie zahinuli try čałavieki.