U Azaranki — novy bojfrend: skandalny amierykanski repier Redfu 79

Pieršaja rakietka śvietu nazvała skandalnaha amierykanskaha repiera kachańniem usiaho svajho žyćcia.

Nahadajem, što da niadaŭniaha času Viktoryja Azaranka niekalki hadoŭ sustrakałasia z tenisistam Siarhiejem Bubkam-małodšym.

Ale paśla taho, jak spartoviec niaŭdała zvaliŭsia z akna ŭ Paryžy, adnosiny skončylisia.

I voś ciapier Viktoryja Azaranka zajaŭlaje: «Ja zakachana, i nie važna, jak ludzi staviacca da majho vybaru. Ja sustrakajusia z kimści asablivym, ja b skazała, jon numar adzin.

Jon unikalny chłopiec, i my naležym da dźviuch roznych płaniet. Ja mahu harantavać, što jon sapraŭdy asablivy čałaviek, jon — kachańnie ŭsiaho majho žyćcia. Ja nie lublu chvalicca svaim asabistym žyćciom, ale ja rada, što jon pobač sa mnoj».

Pa dadzienych amierykanskaj presy, havorka idzie pra śpievaka Redfu. Pavodle źviestak Tut.by, repier byŭ razam z Azarankaj u Minsku ŭ kancy 2012 hoda i rehularna naviedvaŭ treniroŭki biełaruski.

Muzyka źjaŭlajecca adnym z udzielnikaŭ dueta LMFAO

(druhi — jaho plamieńnik Skaj-Blu). Sapraŭdnaje imia Redfu — Stefan Kiendał Hordzi. Jamu — 37 hadoŭ (Azarancy — 23).

Redfu raspaviadaje, što raniej taksama hulaŭ u tenis. Ale paśla taho, jak jon złamaŭ zapiaście, pryjšłosia zaniacca muzykaj. LMFAO akramia solnych kancertaŭ adznačyŭsia ŭdziełam u šou Madony i Kiešy.

Jak paviedamlaje Rolling Stone, Redfu — heta syn muzyčnaha mahnata Bery Hordzi i były ziać Džermejna Džeksana — staršaha brata Majkła Džeksana.

Imidž LMFAO ŭjaŭlaje saboj temu «viečnaj viesiałości», viečarynak i vypiŭki u styli «party rock».

Pieršaja viersija nazvy hurtu była «Sexy Dudes» — «Seksualnyja chłopcy»), ale paśla parady babuli Redfu nazvu pamianiali.

U śniežni 2012 hoda Redfu ŭ Kijevie vyjšaŭ da hledačoŭ z ukrainskim ściaham na trusach.

Salidarnaść

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH