21:30
Anatola Labiedźku pad viečar adpuścili z UUS Zavodzkaha rajonu stalicy, biez składańnia pratakołu. Franaka Viačorku advieźli ŭ specpryjomnik-raźmierkavalnik na Akreścina.
18:15
Radyjo Svaboda pieradaje, što akcyja skončanaja. Ad Banhałor adjaždžajuć milicejskija mašyny. Pavodle Viktara Ivaškieviča, jaki znachodzicca ŭ milicejskim aŭtobusie, zatrymanyja niekalki dziasiatkaŭ čałaviek.
17:38
U bok Banhałory pajechali čatyry aŭtobusy z AMAPam.
17:24
Milicyja daviała ŭsich da Opery i adpuściła.
17:15
Milicyjanty viaduć ludziej pad kanvojem pa vulicy Kupały. Usiaho 50-60 čałaviek, ź ich 15 žurnalistaŭ. Ludzi śpiavajuć "Raźvitańnie z radzimaj".
Z palitykaŭ namieśnik staršyni BNF Aleś Michalevič, Siarhiej Skrabiec, la pomnika Kupału byŭ Mikoła Statkievič.
17:09
AMAP pačaŭ vyciaśniać ludziej sa skvery ŭ bok vulicy Kupały
17:07
Usich prysutnych uziali ŭ kalco
17:05
U skver padjechali dva aŭtazaki. U skvery ciapier čałaviek 80.
16:55
Kala saraka čałaviek sabralisia la pomnika Janku Kupału. Jość pradstaŭniki zamiežnych ambasadaŭ. Pakul usio spakojna. Ludzi ŭskładajuć kvietki da pomnika piśmieńnika.
«Na Kastryčnickaj płoščy milicyjanty praviarajuć dakumenty ŭ maładych ludziej, u jakich pryšpilenyja znački «Za svabodu». Milicyjanty pieraškadžajuć ludziam ruchacca ŭ bok skvera Janki Kupały», -- paviedamlaje Radyjo Svaboda
16:22
Na vulicy Miaśnikova žurnalisty pabačyli aŭtobus, u jakim siadzieli zatrymanyja padčas akcyi ludzi. Pavodle acenak žurnalistaŭ, zatrymana kala šaści čałaviek. Jany vitalna machajuć rukami.
16:15
Niekalki čałaviek, pa roznych acenkach ad 25 da 50 čałaviek, sabralisia la Čyrvonaha kaściołu. Ale AMAPaŭcy i ludzi ŭ čornym chucieńka vycisnuli z Płoščy ŭ bok vulicy Miaśnikova. Siarod prysutnych byli Vincuk Viačorka, Siarhiej Skrabiec, dziejač kultury Ŭładzimier Sodal. Anatol Labiedźka zatrymany, jaho viazuć u RUUS Zavodzkaha rajonu.
Dvoje chłopcaŭ vyvieli karespandenta NN z płoščy. Vyratavała paśviedčańnie žurnalista.
Siońnia byŭ zatrymany Jarasłaŭ Hryščenia. Jahonaje miescaznachodžańnie pakul nieviadomaje. Zatrymanyja taksama Franak Viačorka i Viktar Ivaškievič.
16:00
Płošča i padychody da jaje ačeplenyja AMAPam. Stajać aŭtazaki. Aŭtobus № 100 nie spyniajecca ad stancyi metro "Kastryčnickaja" da stancyi metro «Instytut kultury». Nie pracuje vychad z metro na płošču Niezaležnaści.
***
Nahadajem, što siońnia adznačajecca Dzień pryniaćcia Deklaracyi ab dziaržaŭnym suverenitecie. Hramadzkaść maje adznačyć hetu datu niekalkimi akcyjami. A 16-j la Čyrvonaha kaścioła pavinna była prajści sustreča z hramadzkaściu deputataŭ Viarchoŭnaha Savieta BSSR 12-ha sklikańnia.