Łahier dla represavanych, dziciačy dom, zavod, armija, jurfak, sud, Ministerstva justycyi, kalehija advakataŭ, hučnyja spravy i viečny niaroŭny boj ź biezzakońniem dy niespraviadlivaściu. Siońnia ŭ OLD SSHOOL parady ad viadomaha biełaruskaha jurysta i pravaabaroncy Hary Pahaniajły.
Kali mnie było hadoŭ vosiem, tych, chto «stukaŭ» administracyi dziciačaha doma pra našyja sakrety, zapichvali nočču ŭ tumbačku i vykidvali z druhoha paviercha. Tak ja ŭ samym pačatku svajho žyćciovaha šlachu zrazumieŭ, što nielha zdradžvać svaim siabram. Jak by na ciabie ni cisnuli.
***
Jašče ź dziciačaha doma ja zasvoiŭ pryncyp «z chulihanami — pa-chulihansku». Ja i dahetul tak liču. I kali kanfliktnaja situacyja składvajecca tak, što ja mahu čakać udaru, to ja ŭdaru pieršym. Karaciej, kali ciabie bjuć pa pravaj ščace, to pasprabuj uchilicca ad udaru i ŭrezać tak, kab bolš zamachvacca nie zachaciełasia.
***
Mužčyna pavinien pracavać nad svaim ciełam, zajmacca sportam. Jon pavinien nie prosta miasa na kostkach nasić — kožnaja ciahlica musić być bačnaja! Asabliva pakul małady.
***
Doŭhi čas ja zajmaŭsia maržavańniem, a ciapier štodnia ranicaj prymaju ledziany duš. Heta samy prosty i karysny sposab pračnucca i ŭvajści ŭ novy dzień.
***
Dziaŭčaty lubiać vušami. Tamu navučyciesia pryhoža havaryć.
***
Ja žanaty ŭžo amal 40 hadoŭ. Hałoŭnaje ŭ šlubie — nie nanosić hrubych kryŭdaŭ, pavažać hodnaść čałavieka, jaki pobač z taboj. Ale heta pry ŭmovie, što jość kachańnie. Bo ŭsio hłupstva, kali niama kachańnia.
Praciah čytajcie pa hetaj spasyłcy.
