«Siońnia ja daŭ kamandu ŭziać hrošy z rezervaŭ i zapłacić» — skazaŭ jon.
Łukašenka patłumačyŭ, što «Biełaruś ahalaje rezervy, ale našyja dobryja siabry, u pryvatnaści, Uha Čaves, zajavili, što daduć kredyt na vyhadnych nam umovach, i zachodnija banki taksama hatovyja pradastavić resursy».
Kiraŭnik Biełarusi padkreśliŭ, što rasiejski bok prapanavaŭ miždziaržaŭny kredyt pad 8.5% hadavych, što nieprymalna dla Biełarusi.
Kiraŭnik Biełarusi rezka skrytykavaŭ ahulnuju liniju rasiejskaj palityki:
«Upieršyniu ja dazvalaju sabie hučna pra heta skazać: Rasieja choča pryvatyzavać nia tolki asobnyja pradpryjemstvy, navat biaspłatna ich prychvacić. Jany chacieli b pryvatyzavać usiu krainu» — skazaŭ kiraŭnik Biełarusi. Jon padkreśliŭ, što zaŭsiody kazaŭ pra raŭnapraŭny sajuz Biełarusi i Rasiei.
Pavodle jaho, hetaja linija nie pradtrymlivałasia rasiejskim bokam, «dla kiraŭnictva Jelcyna heta było nibyta mahčyma, ale novaje kiraŭnictva ličyć hetyja pahadnieńni niavyhadnymi i pačynaje ich denansavać».
Łukašenka spasłaŭsia na toje, što Ŭładzimier Pucin napačatku hodu abiacaŭ dać Biełarusi kredyt 1.5‑2 miljardy dalaraŭ. Kiraŭnik Biełarusi patłumačyŭ, što jašče padčas padpisańnia hazavaha kantraktu skazaŭ Pucinu, što Biełaruś u 2007 hodzie bolš pałovy cany za haz nie zapłacić.
Łukašenka zajaviŭ, što «apošni vizyt premjer‑ministra Biełarusi ŭ Maskvu byŭ prynižeńniem. «Ja skazaŭ, kab jon tudy bolš nia jeździŭ».
Kiraŭnik Biełarusi adznačyŭ: «Mnie taksama namiakali, što treba jechać u Kreml i paści na kalena. Ja nie pajedu i na kalena nia ŭstanu».
Łukašenka skazaŭ, što ŭžo paśla pieramovaŭ u Maskvie daŭ Siarhieju Sidorskamu daručeńnie znajści Michaiła Fradkova i spytać, ci dakładna Rasieja daść kredyt.
«Naš premjer havoryć — nie tam niejkija adhavorki. Tady ja kažu: pakładzi słuchaŭku». «Heta nie siaredzina 90‑ch hadoŭ. Miarkuju što chutka i my im spatrebimsia» — reziumavaŭ Alaksandar Łukašenka.
Farmalna vizyt Łukašenki byŭ prymierkavany da 80‑hodździa vydańnia, ale ŭ časie sustrečy z kalektyvam kiraŭnik krainy zrabiŭ šerah zajavaŭ adnosna perspektyvaŭ biełaruska‑rasiejskich adnosinaŭ u źviazku z namieram «Hazpromu» amal napałovu spynić padaču hazu ad 3 žniŭnia. Tak, jon zapeŭniŭ, što Biełaruś raźličycca z «Hazpromam» za pastaŭleny rasiejski haz.
Jak raskazvajuć supracoŭniki Doma presy, da vizytu Alaksandra Łukašenki rychtavalisia ad pačatku tydnia. Niekalki dzion tut haspadaryli pradstaŭniki Słužby achovy prezydenta, a napiaredadni dvojčy z šampuniem byŭ pamyty asfalt vakoł budynka. Na dzień pryjezdu pieramiaščeńni žurnalistaŭ pa Domu presy byŭ istotna abmiežavany, a niekatoryja redakcyi navat atrymali niezaplanavany vychodny.
