Uviečary BIEŁTA vyviesiła vynikovuju spravazdaču pra sustreču Łukašenki ź dziaržaŭnymi žurnalistami. Raju pačytać.
Heta nia prosta sklopka z natatak, što stavilisia na stužku navinaŭ ciaham dnia. Dadaŭsia razhornuty frahment pra stasunki z Rasiejaj. Šerah krasamoŭnych pryznańniaŭ. Tak, Łukašenka kaža, što ad pačatku papiaredžvaŭ Pucina: bolej pałovy cany za haz sioleta nie zapłacim! A Kreml, jak vynikaje, elementarna padmanuŭ nas z kredytam.
Lejtmatyŭ-aksiumaran: "Takoha "biespriedieła" ŭ stasunkach z nami, jak naša bratniaja, dobraja Rasieja, nichto sabie nie dazvalaŭ".
Tym časam Rar (toj samy, što pryjazdžaŭ intervijujavać aficyjnaha kiraŭnika paśla minułaj naftahazavaj vajny) ličyć, što zaraz tomu daviadziecca choćki-niachoćki vybirać miž Rasiejaj i Eŭraźviazam. Bo adsiedziecca, vyčakać niejkaha cudu ŭžo nie vypadaje.
ZY. U vynikovuju spravazdaču BIEŁTA nie ŭklučyli kavałak pra toje, što treba ŭziać pad zakanadaŭčy kaŭpak internet. Vypadkovaść ci?.. Va ŭsiakim razie, zrazumieła, što tut bolej droŭ nałamajuć, čym niečaha realna damohucca. Verchału ž na ŭvieś śviet budzie. Tut i biez zakonu stabilna siadziać u "vorahach internetu"… A razam z tym — nu jak ty zmusić rehistravać u Rusakieviča jaki-niebudź palityčna škodny sajt, što padtrymlivajecca na jakim-niebudź kanadyjskim servery? :)
ZYY. Nia viedaju, jak pierakłaści "biespriedieł". Uvohule tarmažu na takim słenhu:(
